რუსეთის მოქალაქეების მასიური ჩაწერები ბათუმში და რიგები იუსტიციის სახლში. ოკუპანტი ქვეყნიდან შემოსული პირები, ბათუმში, იურიდიული მისამართების მიღებას აქტიურად ცდილობენ. ამისთვის ისინი ეძებენ ადგილობრივებს, რომლებიც გარკვეული პირობის სანაცვლოდ, თანახმა არიან, რუსები თავიანთ მისამართებზე დაარეგისტრირონ. რუსეთიდან ჩამოსული ადამიანები ამბობენ, რომ იურიდიული მისამართები ბიზნესების რეგისტრაციისთვის სჭირდებათ.
ფაქტია, რომ ისინი ისე აღწევენ შედეგს, რეალურად არავინ ამოწმებს, რა წარსული აქვს რეგისტრაციის მსურველს ოკუპანტი ქვეყნიდან და რა რისკებთანაა პროცესი დაკავშირებული. მათი ნაწილი საცხოვრებელს ქირით ეძებს, ნაწილი კი, ყიდულობს. მათ უმრავლესობას, მიზეზებზე კამერებთან საუბარი არ სურს.
რუსეთის მოქალაქეებით გადატვირთულია ბათუმის იუსტიციის სახლიც. ისინი ან იურიდიული მისამართის მიღებას ცდილობენ ან უკვე ბიზნესს ირეგისტრირებენ. როგორც ჩანს, ქართული მედიისა და საზოგადოების ეჭვები, უკვე, კარგად იციან და მათი უმრავლესობა ჩვენს კითხვებს გაურბოდა.
ბევრი მალავს რუსეთის მოქალაქეობას. ამბობენ, რომ უკრაინელები არიან. სიტყვებზე „დიდება უკრაინას“, ერთ-ერთი მათგანი დაიბნა და მხოლოდ, პაუზის შემდეგ, სავარაუდოდ ეჭვების გასაქარწყლებლად, მოისაზრა ეთქვა - „გმირებს დიდება“. ამის შემდეგ, გვკითხა ისეთი კომპანიის არსებობის შესახებ რომელიც უცხო ქვეყნის მოქალაქეებს იურიდიული მისამართის მიღებაში ეხმარება. განმარტა, რომ ბიზნესი აქვს და მისამართის მიღება, გადასახადების გადახდისთვის სჭირდება, თუმცა, მის არგუმენტს საეჭვოს ხდის ის გარემოება, რომ უკვე დარეგისტრირებულ ბიზნესს, იურიდიული მისამართიც ექნება.
ამის შემდეგ, შევნიშნეთ, როგორ ესაუბრებოდა, იგი, იუსტიციის სახლის ერთ-ერთ შესასვლელთან, ორ ქართველს, რომლებიც უცხო ქვეყნის მოქალაქეს კონკრეტულ კონტაქტს აწვდიდნენ.
არიან ისეთებიც, ვინც არც ვინაობას მალავს და არც მიზანს. ოკუპანტი ქვეყნიდან ჩამოსულთა ნაწილი ამბობს, რომ რუსეთიდან პოლიტიკურ აგრესიას გამოექცნენ.
ადამიანებს, რომლებიც ამბობენ, რომ არა რუსეთის, არამედ უკრაინის მოქალაქეები არიან, არ აქვთ რაიმე ეროვნული სიმბოლო, რისი ტარებითაც გამოირჩევიან უკრაინის მოქალაქეები. ჩამოსულთა ნაწილი, ირწმუნება, რომ ქვეყა