#ახალიამბები
აჭარაში "ნულოვანი ტუბერკულოზის ინიციატივის“ ფარგლებში, სხვადასხვა ჯგუფში, ინტეგრირებული სკრინინგი დაიწყო. პროგრამა ტუბერკულოზის, აივ ინფექცია/შიდსის და C ჰეპატიტის კვლევას მოიცავს, რასაც წელს COVID-19-ის ტესტირება დაემატა. გამოკვლევები ბათუმის 23-ე და 24-ე საბავშვო ბაღის პერსონალს ჩაუტარდა.

საზოგადოებრივი ჯანდაცვის ცენტრი პროგრამას დაავადებათა კონტროლის ეროვნული ცენტრისა და საქართველოს ფტიზიატრთა და პულმონოლოგთა ასოციაციის მიერ გათვალისწინებული პროტოკოლით ახორციელებს. კვლევა უკვე ჩაუტარდა 27 ათას 133 ბენეფიციარს. სკრინინგის შედეგად გამოვლენილი საეჭვო შემთხვევები ასეთია: C ჰეპატიტზე დადებითი -195, აივ ინფექცია/შიდსზე - 4, ტუბერკულოზზე კი 17.