#ახალიამბები
მგზავრობის საფასური, ბათუმში, შესაძლოა, ლარამდე გაიზარდოს. მძღოლებისგან განსხვავებით, კომპანიები, რომლებიც მგზავრთა გადაყვანაზე მუშაობენ, აცხადებენ რომ დღეისთის ეს საკითხი არ განიხილება. მათი განმარტებით, ბოლო პერიოდში, თვითნებურად, 70 თეთრამდე გაზრდილი საფასურისთვის ჯარიმდებიან, თუმცა, ამბობენ, რომ სრულად გაჩერებას, ამ პირობებში მუშაობა ურჩევნიათ. დაკისრებული ჯარიმები გასაჩივრებული აქვთ ბათუმის საქალაქო სასამართლოში. კომპანიები მოახლოებული ორი აპრილის რიგგარეშე არჩევნების იმედად არიან. ფიქრობენ, რომ საკრებულო მალე დაკომპლექტდება და საკითხიც დადებითად გადაწყდება. შპს-ეების ხელმძღვანელების თქმით, მგზავრობის საფასურის კიდევ უფრო გაზრდაზე იმ შემთხვევაში იფიქრებენ, თუ საწვავი ისევ გაძვირდება.