#ახალიამბები
საპარლამენტო პარტიების ნაწილმა, 2021 წლის 1-ელი ნოემბრიდან დღემდე ჯამში, 3 მილიონ 291 ათასი ლარის შემოწირულობა მიიღო. ინფორმაციას სახელმწიფო აუდიტის სამსახური ავრცელებს. ყველაზე მეტი თანხა „ქართულ ოცნებას“ აქვს მიღებული 2 მილიონ 480 ათასი ლარის ოდენობით. რაც შეეხება „ერთიან ნაციონალური მოძრაობას“, 313 ათასი ლარი მიიღო. სახელმწიფო აუდიტის სამსახურის ვებ-გვერდზე გამოქვეყნებული ინფორმაციის მიხედვით, პარტიამ „ლელო საქართველოსთვის“ 260 ათასი ლარის შემოწირულობა მიიღო. ხოლო, პარტიამ „საქართველოსთვის“ კი, 213 ათას 750 ლარი. პარტია, რომელსაც 2021 წლის 1-ელი ნოემბრიდან დღემდე შემოწირულობა არ მიუღია „სტრატეგია აღმაშენებელია“.