#ახალიამბები
ჯგუფურად, კომერციული მოსყიდვისა და ყალბი ოფიციალური დოკუმენტის დამზადება-გასაღების ფაქტზე 2 პირი დააკავეს. გამოძიებით დადგინდა, რომ ერთ-ერთი სამედიცინო დაწესებულების ექთანმა, უკანონო მატერიალური სარგებლის მიღების მიზნით, მასთან დანაშაულებრივ კავშირში მყოფ პირთან ერთად, მოქალაქეს 150 ლარის სანაცვლოდ ვაქცინაციის ყალბი ბარათი დაუმზადა. ბრალდებულებმა, იგი დაავადებათა კონტროლის ეროვნული ცენტრის ოფიციალურ ბაზაში დაარეგისტრირეს, როგორც იმუნიზირებული ადამიანი. გამოძიება გრძელდება. დანაშაული სასჯელის სახით, თავისუფლების აღკვეთას 4-დან 6 წლამდე ვადით ითვალისწინებს.