#ახალიამბები
ბათუმში, დევნილობაში დაბადებული პირველი უკრაინელი გოგონა სამშობიარო სახლიდან გაეწერა. ოლივია-მარიას და მის დედას საზეიმო დახვედრა ბათუმის ჰუმანიტარული დახმარების შტაბის წევრებმა მოუწყვეს. გოგონა სამყაროს აღდგომის დილით მოევლინა. როგორც აღვნიშნეთ, იგი პირველი უკრაინელია, რომელიც დევნილობაში, ბათუმში დაიბადა. ოლივია-მარიას დედა, ლიუდმილა ობუხოვა 11 წლის შვილთან, მიხაილთან ერთად, საქართველოში მარტში ჩამოვიდა. მამა, კიევში, ფრონტის ხაზზეა. ფეხმძიმე ლუიდმილას კონსულტაციები და მკურნალობა-მშობიარობა, ფინანსურად, ექიმმა ვახო კალოიანმა უზრუნველყო.