#ახალიამბები
,,ბათუმი ავარიული სახლების გარეშე“ - სახელმწიფო მიზნობრივი პროგრამის ფარგლებში ქალაქის მერიაში სამუშაო შეხვედრა გაიმართა. ღონისძიებას მონაწილეობის მსურველი დეველოპერული კომპანიები შერეული სამთავრობო კომისიის წევრებთან ერთად ესწრებოდნენ. უწყების ინიციატივით, ლევან სამხარაულის სახელობის სასამართლო ექსპერტიზის ეროვნული ბიუროს მიერ საექსპერტო დასკვნა, ქალაქში მდებარე 120 საცხოვრებელ სახლზე მომზადდა. აქედან, 17 მისამართიდან ალტერნატიულ საცხოვრებელში 217 ოჯახია გაყვანილი. მერიაში ავარიულ საცხოვრებელ სახლთან დაკავშირებით, დაახლოებით, 302 განცხადებაა რეგისტრირებული. 46 მისამართზე მიმდინარეობს ექსპერტიზა, ხოლო დანარჩენი მისამართების დათვალიერება/შესწავლა ეტაპობრივად ხორციელდება.