#ახალიამბები
2022 წლის მარტში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 10.6 პროცენტი შეადგინა. პირველი კვარტლის საშუალო რეალური მატება კი, 14.4 პროცენტით განისაზღვრა. „საქსტატის“ ინფორმაციით, ზრდა შეინიშნებოდა შემდეგ დარგებში: ტრანსპორტი და დასაწყობება, სასტუმროები და რესტორნები, მშენებლობა, ხელოვნება, გართობა, დასვენება და სხვა. მონაცემების მიხედვით, მარტში, საქონლით საგარეო ვაჭრობამ იმპორტის ნაწილში 894 მილიონი დოლარი შეადგინა, ხოლო ექსპორტმა 411 მილიონ დოლარზე მეტი. სტატისტიკის ეროვნული სამსახურის ინფორმაციით, 2022 წლის მარტში, ქვეყანაში, 9 ათას 114 ახალი საწარმო დარეგისტრირდა.