#ახალიამბები
მუსლიმანური სამყარო რამადან-ბაირამს აღნიშნავს. სადღესასწაულო ლოცვა, ბათუმის ცენტრალურ მეჩეთში გაიმართა. რამადან ბაირამს, წინ ერთ თვიანი მარხვა უძღოდა. მორწმუნეები, ამ ხნის მანძილზე, კონკრეტულ წესებს იცავენ. მარხვის შემდგომი ბაირამი სულიერი ამაღლებისა და ვნებებზე გამარჯვების დღესასწაულია. ლოცვის შემდეგ, ამ დღეს, მუსლიმები, საფლავებზე გადიან და ერთმანეთს ტკბილეულით უმასპინძლდებიან. ბაირამის დღესასწაულს, მუსლიმური სამყარო წელიწადში ორჯერ აღნიშნავს. რამადან ბაირამის შემდეგ მორწმუნეები, ყურბან ბაირამს იზეიმებენ.