დასვენების ფასები საქართველოში პანდემიამდელ პერიოდთან შედარებით დაახლოებით, 20-30%-ითაც კი არის გაძვირებული. ტურიზმის სექტორში გარკვეულწილად რაღაც აღდგენა არის, მაგრამ ტურ-ოპერატორების მონაცემებით, ძალიან ბევრი გაუქმებული ჯავშნებია, განსაკუთრებით ევროპის ქვეყნებიდან. ფასების ზრდის პირველი მიზეზი არის კვება და სარესტორნო მომსახურება, რომელიც ნამდვილად გაძვირებულია, რადგან პროდუქტია გაძვირებული და ყველაფერი ჯაჭვურ რეაქციაშია. გარდა ამისა, პანდემიის შემდეგ ეტაპობრივად, ძვირდება დენი, გაზი, ყველანაირი გადასახადი, რაც ბიზნესისთვის ძალიან ცუდ შედეგებს იწვევს. ამ ეტაპზე ბიზნესი, რომელიც მასპინძლობის ინდუსტრიას და ტურიზმს შეეხება, ნამდვილად არ არის სახარბიელო მდგომარეობაში.

#ახალიამბები #BusinessMediaGeorgia