#ახალიამბები
საქართველოს საბაჟო საზღვარზე დიდი ოდენობით კონტრაბანდის გატანის ფაქტი აღიკვეთა. პასუხისგებაში ერთი პირი მისცეს. ბრალდებულმა, საქართველოდან სომხეთის მიმართულებით, საკუთარ ავტომობილში, სპეციალურად მოწყობილი სამალავით, 26 644 ლარის საბაჟო ღირებულების მედიკამენტებისა და კომპიუტერული ტექნიკის გატანა სცადა. გამოძიება საქართველოს სისხლის სამართლის კოდექსის 214-ე მუხლის მეორე ნაწილით მიმდინარეობს. დანაშაული 5-დან 7 წლამდე ვადით თავისუფლების აღკვეთას ითვალისწინებს.