#ახალიამბები
ქვეყანაში ხორბლის მარაგი ამოწურულია. სპეციალისტების პროგნოზით უახლოეს დღეებში ყველა წისქვილი გაჩერდება. „საქართველოს ხორბლისა და ფქვილის მწარმოებელთა ასოციაციის“ აღმასრულებელი დირექტორის განცხადებით, საქართველოში, მხოლოდ, ფქვილი შემოდის, ხორბალი კი შეკვეთილიც არაა. ლევან სალიგავას განმარტებით, მიზეზი ისაა, რომ ფქვილზე საიმპორტო გადასახადი არაა, ხორბალზე კი მცურავი ბაჟი მოქმედებს. ასოციაცია პრემიერთან შეხვედრას ითხოვს. მათი თქმით, სექტორის მთავარი წინადადება ისაა, რომ ფქვილის იმპორტისა და ხორბლის იმპორტის გადასახადებს შორის არსებული სხვაობის ნიველირება მოხდეს. სილაგავას განცხადებით, საკითხი პრემიერმა ერთპიროვნულად უნდა გადაწყვიტოს, რადგან „არსებულმა სამუშო ჯგუფმა, სადაც სხვადასხვა პოზიცია ფიქსირდება, თავისი თავი ამოწურა“.