#ახალიამბები

კრიმინალური შემთხვევა ხელვაჩაურში. დღეს დილით, ფრიდონ ხალვაშის გამზირზე, 35 წლამდე ასაკის ქალი დაჭრეს. თვითმხილველთა ინფორმაციით, ქალმა შვილი საბავშვო ბაღში დატოვა, ქუჩაში გამოსულს კი, სავარაუდოდ, თავს ყოფილი ქმარი დაესხა. ადგილზე კრიმინალური პოლიციისა და სასწრაფო-სამედიცინო დახმარების ჯგუფები იმყოფებოდნენ. დაშავებული საავადმყოფოში გადაიყვანეს. კლინიკის ინფორმაციით, ქალის ჯანმრთელობის მდგომარეობა სტაბილურია. შინაგან საქმეთა სამინისტროს ცნობით, მომხდარზე 1 პირი დააკავეს. გამოძიება სისხლის სამართლის კოდექსის 11 პრიმა 117-ე მუხლით მიმდინარეობს, რაც ოჯახის წევრის მიმართ ჯანმრთელობის განზრახ დაზიანებას გულისხმობს.