#ახალიამბები
ქართულ სამომხმარებლო ბაზარზე ხორცი „QR“ კოდით განთავსდება. ქვეყნის მასშტაბით არსებულ სასაკლაოებს, შესაბამის ტექნიკურ აღჭურვილობას, სურსათის ეროვნული სააგენტო გადასცემს. ბიზნესოპერატორების ცნობიერების ამაღლებისა და პროგრამის ეფექტიანად განხორციელების მიზნით, პერსონალს სწავლებები ჩაუტარდა. მოქმედი კანონმდებლობით, ხორცის ეტიკეტირება სავალდებულოა, თუმცა, ამასთან ერთად, ეტიკეტზე დატანილი იქნება „QR“ კოდიც. სიახლე მომხმარებელს საშუალებას მისცემს, მობილური აპლიკაციის მეშვეობით, ხორც-პროდუქტის შესახებ მიიღოს ისეთი ინფორმაცია, როგორიცაა წარმოშობა, ვიზუალური მონაცემები, დაკვლის თარიღი, სასაკლაო და ა.შ.