#ახალიამბები
ბათუმის მე-20 საჯარო სკოლაში უკრაინულ ენოვანი სექტორი დაფუძნდა. უკრაინელ მოსწავლეებს სწავლის შესაძლებლობა მშობლიურ ენაზე ექნებათ. სექტორზე სწავლის სურვილი, ამ ეტაპზე, 100-მდე მოზარდმა გამოთქვა. რაც შეეხება პედაგოგებს, ყველა მათგანი საქართველოში უკრაინიდან 24 თებერვლის მოვლენების შემდეგ ჩამოვიდა. ანაზღაურებას საქართველოს მთავრობა უზრუნველყოფს. უკრაინულ ენოვანი სექტორის მოსწავლეები უკრაინული სასწავლო გეგმით გათვალისწინებულ საგნებთან ერთად შეისწავლიან ქართულ ენასა და ლიტერატურას და საგანს „ჩვენი საქართველო".