#ახალიამბები
აჭარის ჯანდაცვის მინისტრი თურქეთში, ტრაპიზონთან დაშავებული ქართველების ჯანმრთელობის მდგომარეობაზე განცხადებას აკეთებს. ნინო ნიჟარაძის თქმით, 5 დაშავებული თურქეთის სამ სხვადასხვა კლინიკაში აგრძელებს მკურნალობას. მინისტრის ცნობით, 1 პირის მდგომარეობა მძიმეა, მას ქალა-ტვინის ტრავმა და მრავლობითი მოტეხილობები აღენიშნება. რაც შეეხება დანარჩენ ოთხ დაშავებულს, ერთი მსუბუქადაა და სამედიცინო დაწესებულებას დღეს დატოვებს, ხოლო 3 პაციენტის მდგომარეობა საშუალო სიმძიმისაა. ნიჟარაძის თქმით, ისინი კლინიკაში დარჩენასა და გადაუდებელ მკურნალობას საჭიროებენ. შეგახსენებთ, გუშინ, გვიან ღამით, ქალაქ ტრაპიზნოთან ავტოსაგზაო შემთხვევას ერთი ადამიანი ემსხვერპლა, ხუთი კი დაშავდა. ავარიაში მოყვა მიკროავტობუსი, რომელშიც საქართველოს მოქალაქეები ისხდნენ.