#ახალიამბები
ხვალ, დილის 09:00 საათიდან პირველკლასელთა საყოველთაო რეგისტრაცია იწყება. პროცესი 15 ივნისს დღის ბოლოს დასრულდება. რეგისტრირებას ბავშვის მშობელი ან მისი კანონიერი წარმომადგენელი განათლების მართვის საინფორმაციო სისტემის ოფიციალური ვებგვერდის – registration.emis.ge-ის მეშვეობით უზრუნველყოფს. აუცილებელი დოკუმენტაციის წარდგენა სკოლებში 16 ივნისიდან 30 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში რეგისტრაცია ავტომატურად გაუქმდება.