მაისი 23, 2022
268
#ახალიამბები
ევროპის ძალოსნობის ფედერაციამ 2021 წლის საუკეთესო კაც ძალოსნად პლანეტის უძლიერეს ათლეტად მიჩნეული ლაშა ტალახაძე დაასახელა. ორგანიზაციამ ელექტრონული გამოკითხვა პირველად ჩაატარა და იგი ევროპის ჩემპიონატების 100 წლის იუბილეს დაამთხვია. ტალახაძემ 4 ათას 750 ხმა მიიღო და კონკურენტებს აჯობა. 2021 წელს ლაშა ტალახაძემ ოლიმპიადაც მოიგო და მსოფლიოსა და ევროპის ჩემპიონატებიც, ამასთან ერთად, მან არაერთი რეკორდი დაამყარა. 28 წლის ქართველ ძალოსანს საგანგებო ჯილდოს მომავალი ევროპის ჩემპიონატის გახსნის საიუბილეო ცერემონიალზე გადასცემენ. ტურნირი 27 მაისს ალბანეთის დედაქალაქ ტირანაში დაიწყება.
მაჩვენე მეტი