#ახალიამბები
“ქართულ ოცნებასა” და „ნაციონალურ მოძრაობას“ შორის გარიგება შედგა. პარტიების ინტერესებზე მორგებით შეცვლილი კანონი და საკრებულოსთვის ჩამორთმეული უფლებამოსილება. ბათუმის საკრებულო “ოცნების”, ხოლო სენაკის საკრებულო ოპოზიციის უმრავლესობით იმუშავებს. ორივე პარტიის წარმომადგენელი ბათუმისა და სენაკის წარმომადგენლობით ორგანოებში დეპუტატი, საკრებულოს მიერ უფლებამოსილების ცნობის გარეშე გახდება. რაც იმას ნიშნავს, რომ ამ ორ მუნიციპალიტეტში წარმომადგენლობითი ორგანოს რიგგარეშე არჩევნებამდე საქმე აღარ მივა. ფაქტობრივად, კანონმა საკრებულოს საკუთარი უფლებამოსილება, თავისი წევრების უფლებამოსილების ცნობის თაობაზე, ისე ჩამოართვა, რომ საკითხის ფართო განხილვა არ ჩატარებულა. ნაციონალური მოძრაობის აჭარის ორგანოებში კომენტარი არ კეთდება.