#ახალიამბები
"გადადგი ნაბიჯი ევროპისკენ" - თბილისში, ახალი სამოქალაქო ინიციატივის პრეზენტაცია გაიმართა. იგი არასამთავრობო ორგანიზაციების, მედიისა და კულტურის წარმომადგენლების პოზიციებს აერთიანებს. ღონისძიებაზე მყოფმა სამოქალაქო სექტორის წარმომადგენლებმა მანიფესტი წაიკითხეს, რომელიც საქართველოს ევროკავშირში გაწევრიანების გზაზე გადასადგმელ ნაბიჯებს ითვალისწინებს. წერილობით მიმართვაში ნათქვამია, რომ ქვეყანა ევროპულ მომავალს ირჩევს, რადგან ეს ჩვენი წინაპრების, თავისუფლებისთვის, სახელმწიფოებრიობისა და განვითარებისთვის ბრძოლის ღირსეული გაგრძელებაა. მანიფესტის თანახმადვე, ევროპულ გზაზე სვლა ქართველების უსაფრთხო, მშვიდობიანი და ღირსეული ცხოვრების გარანტი იქნება. ერთობლივი გზავნილი საზოგადოებას დრამატურგმა, ლაშა ბუღაძემ გააცნო.