დედაქალაქში არსებულ პარკებს, ამ სეზონზე ყველაზე მეტად ეტყობა გამოცოცხლება. ვიზიტორებით დატვირთული ღია სივრცეები განტვირთვის კარგ საშუალებას იძლევა და დედაენის ბაღი ამის საუკეთესო მაგალითია… მას შემდეგ, რაც რეფორმა ქონსთრაქშენ მენეჯმენტ კომპანიის გუნდმა, დედაენის ბაღის რეაბილიტაცია დაასრულა, თბილისის ერთ–ერთი გამორჩეული ადგილი გახდა და ტრადიციულად, ყოველდღიურად უამრავ ადგილობრივ თუ უცხოელ ტურისტს იზიდავს. პროექტის შემსრულებლები, ბაღის ძველი იერსახის შენარჩუნების პარალელურად, მისი ყველაზე თანამედროვე ტექნოლოგიური საშუალებებით აღჭურვას კომპლექსურ, საინტერესო და გამოწვევებით სავსე პროცესად აფასებენ. ფაქტი კი ისაა, რომ უკვე მეორე წელია სეზონს ბაღი რეგიონში საუკეთესო სკეიტპარკით, თანამედროვე დიზაინით, განსხვავებული გამწვანებით, მოსასვენებელი სკამებით, სხვადასხვა დასასვენებელი და გასართობი სივრცით ნებისმიერი ასაკის ადამიანს ერთად უყრის თავს. დედაენის ბაღმა თავისი ფუნქციონალით, თანამედროვეობით შთაგონებული არქიტექტურით და მაღალი სტანდარტით აშენებული სკეიტპარკით ევროპული კულტურის და ახლებური ცხოვრების სტილის იერი შესძინა ქალაქს.

დედაენის ბაღი ერთად ერთი არ არის დედაქალაქში, რომელიც რეფორმას გუნდმა განაახლა ან ნულიდან შექმნა. მსგავსი სივრცეების დეფიციტი რამდენიც არ უნდა გაკეთდეს მაინც ყველგან და მუდმივად იქნება, თუმცა გარდა იმისა რა ხარისხით და იდეით სრულდება ესა თუ ის პროექტი მშენებლი კომპანიებისათვის დღის წესრიგში ჯერ პანდემიის და შემდეგ უკვე რეგიონში საომარი მდგოამრეობის თუ მსოფლიოში მოშლილი ლოგისტიკური ჯაჭვების გამო დღეს ფუნდამენტური პრობლემები გაჩნდა. გაძვირებული სამშენებლო მასალა, ინფლაცია და უწყვეტობის შენარჩუნება მასალის მომწოდებლებთან - გამოწვევებია ისეთი მსხვილი და გამოცდილი კომპანიებისთვისაც როგორც რეფორმა ქონსტრაქშენ მენეჯმენტია.

სტუმარი: გეგი ქელბაქიანი -"Reforma construction management company"-ის დირექტორი;

#ახალიამბები #BusinessMediaGeorgia