ივნისი 1, 2022
80
#ახალიამბები
სიღარიბე, ძალადობა, სარეაბილიტაციო მხარდამჭერი სერვისების სიმცირე და ბავშვზე მორგებული გარემოს არარსებობა - ბავშვებთან მიმართებით არსებულ ამ და სხვა პრობლემებზე საუბრობს, დღევანდელ დღესთან დაკავშირებით, გავრცელებულ განცხადებაში სახალხო დამცველი. ნინო ლომჯარიას შეფასებით, ეს საკითხები, სახელმწიფოს მხრიდან ძირეულ ცვლილებებსა და კოორდინირებულ მოქმედებას მოითხოვს. ომბუდსმენის თქმით, ქვეყნის ერთ-ერთ ძირითად გამოწვევად ბავშვთა სიღარიბის მზარდი მაჩვენებელი რჩება. ლომჯარიას ინფორმაციით, წინა წელთან შედარებით, 28%-ით გაიზარდა სოციალურად დაუცველი ოჯახების მონაცემთა ერთიან ბაზაში ჩარიცხული ბავშვიანი ოჯახების რაოდენობა და პროგრამაში ჩართული არასრულწლოვნების რიცხვმა 235 ათას 252 მიაღწია.
მაჩვენე მეტი