#ახალიამბები
ევროპარლამენტმა უკრაინისთვის წევრობის კანდიდატის სტატუსის მინიჭების რეკომენდაცია გასცა. დოკუმენტს 438-მა დეპუტატმა დაუჭირა მხარი, 65 წინააღმდეგი იყო, 94-მა კი – თავი შეიკავა. ამჟამინდელ რეზოლუციაში საუბარია მოლდოვისა და საქართველოს ევროპული მისწრაფებებზეც. აღნიშნულმა ქვეყნებმა, განაცხადები უკრაინის შემდეგ გააკეთეს. რეზოლუციაში ასევე ნახსენებია, რომ 2008 წელს საქართველოს წინააღმდეგ და 2014 წელს უკრაინის წინააღმდეგ რუსეთის აგრესიაზე ადეკვატური რეაქციის არარსებობამ, რუსეთს აგრესიული სამხედრო და პოლიტიკური კამპანიების გაგრძელებისკენ უბიძგა, მათ შორის უკრაინაში სრულმასშტაბიანი შეჭრისკენ. უკრაინისთვის კანდიდატის სტატუსის მინიჭებაზე გადაწყვეტილებას ევროპული საბჭო 23-24 ივნისს დაგეგმილ სამიტზე მიიღებს.