#ახალიამბები
ერთიანი ნაციონალური მოძრაობა, საგამოძიებო ორგანოებს, სახელმწიფო აუდიტის დასკვნაში გამოვლენილი დანაშაულებების დროული გამოძიებისკენ მოუწოდებს. საუბარია რეგიონში მოქმედ სამინისტროებსა და ხელვაჩაურის, ქობულეთისა და ბათუმის მუნიციპალიტეტებში, გამოვლენილ გადაცდომებზე. აუდიტის 19 დასკვნა პროკურატურაშია გადაგზავნილი და სსკ მიხედვით გამოძიება დაიწყო. ამათგან 5 საქმე აჭარის რეგიონზე მოდის. ხელისუფლების ოპონენტების თქმით, ეს მეტყველებს იმაზე, რომ თორნიკე რიჟვაძე კორუმპირებული ჩინოვნიკია. საუბარია, კონკრეტულ ინფრასტრუქტურულ სამუშაოებზე, ასევე ბიუჯეტის, მათ შორის სოციალური პროგრამების არასწორ მართვაზე, სამსახურეობრივ უფლებამოსილების გადამეტებაზე. მაგალითად ხელფასებისა და პრემიების დანამატებით გაცემაზე. ოპონენტების თქმით, უნდა დადგეს არჩილ ჩიქოვანის, ჯუმბერ ვარდმანიძის, ლევან ზოიძის, მირიან ქათამაძისა და თორნიკე როჟვაძის, როგორც მათი მფარველის პასუხისმგებლობის საკითხი.