#ახალიამბები
ბათუმელ მეზღვაურებს, რომლებმაც 52 აფრიკელი მიგრანტი სიკვდილისგან იხსნეს, საერთაშორისო ჯილდოზე წარადგენენ. საზღვაო ტრანსპორტის სააგენტოს ცნობით, მომავალ წელს, ზაზა ჭაღალიძე, ზვიად ქობულაძე, ნუგზარ ბერიძე, მინდია აბუსერიძე, კახა ადამია, შალვა სვანიძე, დილარ ცეცხლაძე, მანუჩარ კობალაძე და გიორგი ცეცხლაძე, „ზღვაზე გამოჩენილი განსაკუთრებული სიმამაცისათვის“ საერთაშორისო საზღვაო ორგანიზაციის, „აიემოუს“ ჯილდოზე იქნებიან წარდგენილნი. ეს ჯილდო პირველად, 2015 წელს არქიმანდრიტ ილია კარტოზიას გარდაცვალების შემდეგ გადაეცა. ქართველი არქიმანდრიტი იტალიაში, მიემგზავრებოდა. ხომალდზე, რომელიც იგი იმყოფებოდა ხანძარი გაჩნდა. სამაშველო ნავზე მან საკუთარი ადგილი ბავშვიან ქალს დაუთმო, თავად კი, გემბანზე დარჩა. მისი გადარჩენა მაშველებმა ვეღარ მოახერხეს. 2018 წელს იგივე ჯილდო გადაეცა კაპიტან ლევან მამალაძეს და მის ეკიპაჟს, რომლებმაც 13 ადამიანი გადაარჩინეს.