გიორგი გაბუნია სახალხო დამცველს, არასამთავრობო ორგანიზაციებს, ელჩებსა და საერთაშორისო პარტნიორებს მიმართავს
#ახალიამბები
გიორგი გაბუნია სახალხო დამცველს, არასამთავრობო ორგანიზაციებს, ელჩებსა და საერთაშორისო პარტნიორებს მიმართავს. მთავარი არხის დირექტორის მოვალეობის შემსრულებელი მათ ჟურნალისტებზე თვალთვალის ფაქტებით დაინტერესებას სთხოვს. გაბუნია ამბობს, რომ ჩანაწერების გამოქვეყნებით მათ ვერ შეაჩერებენ და მთავარი არხი მუშაობას გააგრძელებს.
„კიდევ ერთხელ დავრწმუნდით, რომ ქართული ოცნების პირობებში ქვეყანაში არ დარჩა სივრცე, სადაც არ გვითვალთვალებენ ან არ გვისმენენ.“ - აცხადებს გიორგი გაბუნია. 13 ივლისს ტელეკომპანიების - მაესტროსა და იმედის ეთერით წამყვანმა გია გაჩეჩილაძემ გაავრცელა ფარული ჩანაწერი, რომელიც მისივე განმარტებით, ტელეკომპანია მთავარი არხის გუნდის სამუშაო პროცესს ასახავს. მთავარი არხის ჟურნალისტები ჩანაწერების ავთენტურობას ადასტურებენ.