#ახალიამბები
პროკურატურის ინფორმაციით, გოგაშვილის საცხოვრებელი სახლიდან გრიფირებული სახელმწიფო საიდუმლოებას მიკუთვნებული დოკუმენტაციაა ამოღებული. გოგაშვილი 16 ივლისს, გამთენიისას სპეცოპერაციით დააკავეს. იგი ირწმუნება, რომ იარაღი ჩაუდეს. სუს-ის უფროსის ყოფილი მოადგილე 3 მუხლითაა დაკავებული, ესენია: ცეცხლსასროლი იარაღის მართლსაწინააღმდეგო შეძენა-შენახვა-ტარება, სამსახურეობრივი უფლებამოსილების გადამეტება და პირადი ცხოვრების ამსახველი ინფორმაციის ან პერსონალური მონაცემების ხელყოფა. დაკავებამდე რამდენიმე საათით ადრე სოსო გოგაშვილმა ფეისბუქზე დაწერა, რომ 2021 წლის არჩევნების გაყალბების მტკიცებულებები ჰქონდა რომელიც "შესაბამის ორგანიზაციას" გადასცა. გოგაშვილმა ქართული ოცნება 2020 წლის ოქტომბერში დატოვა. ის სუს-ის უფროსის მოადგილედ 2015-2018 წლებში მუშაობდა. 2014 წელს შსს-ს გენინსპექციის უფროსი იყო. გოგაშვილი ხელმძღვანელობდა პანკისის ხეობაში ჩატარებულ სპეცოპერაციას, რა დროსაც 19 წლის თემირლან მაჩალიკაშვილი მოკლეს.