ივლისი 22, 2022
116
#ახალიამბები
ქვეყნის საზღვარზე 3 კილოგრამამდე კოკაინის უკანონოდ შემოტანის ბრალდებით ერთი პირი დააკავეს. ეჭვმიტანილი უკრაინის მოქალაქეა. სამართალდამცველებმა ის აეროპორტშივე აიყვანეს. ნარკოტიკული საშუალება ბრალდებულის ბარგის შემოწმებისას სამგზავრო ჩანთაში წინასწარ მოწყობილ სამალავში აღმოაჩინეს. გამოძიებით დადგინდა, რომ დაკავებულმა აღნიშნული ნარკოტიკი ბრაზილიის ფედერაციული რესპუბლიკიდან თვითმფრინავით ჩამოიტანა. მას ბრალი განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის მუხლებით აქვს წარდგენილი. დანაშაულები 20 წლამდე ან უვადო თავისუფლების აღკვეთას ითვალისწინებს.
მაჩვენე მეტი