#ახალიამბები
„ჩვენ ყველანი თავისუფლებისთვის დავიბადეთ“ - ბათუმის მუსიკალურ ცენტრში ამ სახელწოდების წიგნის პრეზენტაცია გაიმართა. ღონისძიება „შავი ზღვის ხელოვნების საერთშორისო ფესტივალის'' ფარგლებში, საქართველოსა და ამერიკის დიპლომატიური ურთიერთობების 30-ე საიუბილეო წელს მიეძღვნა. სახელმძღვანელოში ადამიანის უფლებათა საყოველთაო დეკლარაციაა ილუსტრირებული. ფესტივალს ელისო ბოლქვაძის საქველმოქმედო ფონდი „ლირა“ მეცხრედ მართავს. ღონისძიებამ, მეხუთედ მოიპოვა იუნესკოს მაღალი პატრონაჟი. ფესტივალის დამსახურებით, 2021 წელს, ბათუმი იუნესკოს კრეატიული ქალაქების ნუსხაში მოხვდა.