#ახალიამბები

შალვა ნათელაშვილი პარალამენტის წინააღმდეგ - საკონსტიტუციო სასამართლო ლეიბორისტული პარტიის ლიდერის სარჩელს განიხილავს. ნათელაშვილი საკანონმდებლო ორგანოს იმ დადგენილების ანტიკონსტიტუციურად ცნობას ითხოვს, რომლითაც მას პარლამენტის წევრის უფლებამოსილება ვადაზე ადრე შეუწყდა. ოპოზიციური ლიდერი ამბობს, რომ გადაწყვეტილება ივანიშვილის მცდელობაა, აკრძალოს ლეიბორისტული პარტია. მისი განცხადებით, ვადამდე ადრე უფლებამოსილების შეწყვეტა მათთვის, ავტომატურად, დაფინანსების შეწყვეტას ნიშნავს. ნათელაშვილი რეკლამით სარგებლობის უფლების ჩამორთმევასაც აპროტესტებს.