#ახალიამბები

ეკა ბესელიას ე.წ. სუს-ის კრებსების საქმეზე დაზარალებულის სტატუსი მიენიჭა. პარტია „სამართლიანობისთვის“ ლიდერის თქმით, სატელეფონო საუბრების დიდი ნაწილი ეხება იმ პერიოდს, როდესაც ის იურიდიული კომიტეტის თავმჯდომარის პოსტს იკავებდა. ბესელიას შეფასებით, ეს გაცილებით უფრო სახიფათოა, რადგან, პოლიტიკური თანამდებობის პირების მოსმენა კიდევ უფრო ამძიმებს დანაშაულს. მისივე თქმით, დანაშაულის კვალი სახელმწიფო სტრუქტურებამდე მიდის, რის გამოც ეჭვობს, რომ გამოძიების ფარგლებში პასუხისმგებელი პირები გამოიკვეთონ. ცნობისთვის, 2021 წლის 13 სექტემბერს ე.წ. კრებსები გავრცელდა, რომელიც სავარაუდოდ, სახელმწიფო უსაფრთხოების სამსახურის მიერ უკანონო ფარული მოსმენა-მიყურადების და თვალთვალის შესახებ 58 000-მდე ფაილს შეიცავდა. აღნიშნული დოკუმენტები სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება.