#ახალიამბები
ქუთაისის სააპელაციო სასამართლოში ნათია კაპანაძის საქმის პირველი სხდომა გაიმართა. საზოგადოებრივი მაუწყებლის აჭარის ტელევიზიისა და რადიოს ყოფილი დირექტორი პირველი ინსტანციის მიერ მიღებული გადაწყვეტილების ბათილად ცნობას ითხოვს. მომდევნო მოსმენა, რომელიც 8 სექტემბერს ჩაინიშნა, მოსამართლე მხარეთა განმარტებებს გაეცნობა და მტკიცებულებებს გამოიკვლევს. ყოფილ ხელმძღვანელს თანამდებობაზე აღდგენა, იძულებითი განაცდურის ანაზღაურება და დირექტორის პოზიციაზე სასამართლო დავის მიმდინარეობისას გამოცხადებული კონკურსის შედეგების ბათილად ცნობა სურს. მის ინტერესებს საია იცავს. კაპანაძე თანამდებობიდან გათავისუფლებას პოლიტიკურ დაკვეთას უკავშირებს. იგი მაუწყებლის დირექტორის პოზიციიდან 2019 წლის 19 აპრილს იმპიჩმენტის წესით გადააყენეს. „ნათია კაპანაძის საქმის“ განხილვა მოსამართლე ჯუმბერ ბეჟანიძემ სარჩელის შეტანიდან დაახლოებით ორი წლის შემდეგ, 2021 წლის 25 მაისს დაიწყო.