#ახალიამბები

ევროკავშირის 12-პუნქტიანი რეკომენდაციების შესრულების მიზნით, პარლამენტში პირველი საკანონმდებლო პაკეტი დაინიცირდა. კანონების პროექტები საქართველოს სასამართლოების მიერ ადამიანის უფლებათა ევროპული სასამართლოს გადაწყვეტილებების პროაქტიულად გამოყენების თაობაზე შემუშავებულ ცვლილებებს გულისხმობს და ის 11 საკანონმდებლო აქტს შეეხება. ინიციატივის თანახმად, ცვლილება შედის მოსამართლის საქმიანობის შეფასების კრიტერიუმებში. მოსამართლის შეფასებისას მოხდება ადამიანის უფლებათა ევროპული სასამართლოს გადაწყვეტილებების გამოყენების არა მხოლოდ რაოდენობრივი კომპონენტის, არამედ მათი რელევანტურობის გათვალისწინებაც. ამის გარდა, უზენაეს და სააპელაციო სასამართლოებში სავალდებულო იქნება ადამიანის უფლებათა ევროპული სასამართლოს გადაწყვეტილებების ანალიზის ფუნქციის მქონე სტრუქტურული ერთეულის არსებობა.
მოქმედი მოსამართლე ვალდებული იქნება სამ წელიწადში 5 დღე მაინც დაუთმოს კვალიფიკაციის ამაღლებას.