#ახალიამბები
14 წელი აგვისტოს ომიდან. 2008 წელს აგრესორი რუსეთი საქართველოში შემოიჭრა. რუსულმა ოკუპაციამ უამრავი ადამიანი შეიწირა, დააზარალა ან დევნილობა აიძულა. 5 დღიან ომს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი ემსხვერპლა. დაიჭრა და დაშავდა 2 232 პირი, მათგან 1 045 - სამხედრო მოსამსახურე, ათას 187 კი სამოქალაქო პირი. ქვეყნის ტერიტორიის 20 პროცენტი ჩრდილოელი აგრესორის მიერ კვლავ ოკუპირებულია და პუტინის რუსეთი მცოცავ ოკუპაციას დღემდე განაგრძობს. აგვისტოს ომის შემდეგ რუსეთმა საქართველოს ორი რეგიონის - აფხაზეთისა და „სამხრეთ ოსეთის“ დამოუკიდებლობა აღიარა, მაგრამ საერთაშორისო საზოგადოება საქართველოს ტერიტორიული მთლიანობის მხარდამჭერად რჩება.