#ახალიამბები

2008 წლის რუსეთ საქართველოს ომში დაღუპული ჯარისკაცების ოჯახებსა და რუსული აგრესიის შედეგად დაზარალებულ შშმ სტატუსის მეომრებს აჭარის ჯანდაცვის სამინისტრო ერთჯერადად 3000-3000 ლარს გადასცემს. თანხა, ასევე, გამოიყოფა 2012 წელს ავღანეთში დაღუპული ჯარისკაცების ოჯახებისთვისაც. ჯამში 27 მეომრის ოჯახზე გაიცემა 81 000 ლარი. დახმარება აჭარის ჯანდაცვის სამინისტროს– „2008 წლის რუსული აგრესიის შედეგად დაღუპულ ან/და შეზღუდული შესაძლებლობის სტატუსის მქონე და 2012 წელს ავღანეთში დაღუპულ მეომართა ოჯახების დახმარების პროგრამის“ ფარგლებში გამოიყოფა. საერთო ბიუჯეტი, ყოველწლიურად, 112 000 ლარით განისაზღვრება.