#ახალიამბები



აჭარის ჯანდაცვის სამინისტრომ ღვიძლის ტრანსპლანტაციის დაფინანსება გაზარდა. ბათუმში რეგისტრირებულ მოქალაქეებს, სამედიცინო მომსახურება 80 000 ლარით დაუფინანსდებათ, დამატებით 30 000 ლარს კი, ბათუმის მერია გამოყოფს. რაც შეეხება სხვა მუნიციპალიტეტებში რეგისტრირებულ პირებს, სამინისტრო 110 000 ლარს გასცემს. უწყება ღვიძლის ტრანსპლანტაციას 2016 წელიდან აფინანსებს, დღემდე მაღალტექნოლოგიური სამედიცინო მომსახურება სამინისტროს ფინანსური მხარდაჭერით 34 პაციენტს ჩაუტარდა, გამოყოფილი თანხა 2 მილიონ 150 ათას ლარს შეადგენს. მიმდინარე წელს პროგრამით უკვე ორმა ბენეფიციარმა ისარგებლა. ინფორმაცია ვიდეო მასალასთან ერთად აჭარის ჯანდაცვის სამინისტრომ მოგვაწოდა.