თბილისის მერიის მიერ შემუშავდა მუნიციპალური ნარჩენების მართვის 5-წლიანი სამოქმედო გეგმა და სტრატეგია. ეს ინფორმაცია თბილისის მერმა კახა კალაძემ გააჟღერა. დოკუმენტებზე მუშაობა რამდენიმე წლის წინ დაიწყო და ის ნარჩენების მართვის კოდექსის, ნარჩენების მართვის 2016-2030 წლების ეროვნული სტრატეგიისა და 2016-2020 წლების ეროვნული სამოქმედო გეგმის ნაწილია. მერიის მხრიდან შემუშავებული დოკუმენტების საჭიროებას ეჭვ ქვეშ აყენებენ ამ მიმართულებით მომუშავე ექსპერტები და ამბობენ, რომ მორიგი სტრატეგიის შექმნის ნაცვლად ჯობია მერიამ კანონმდებლობით ნაკისრი ვალდებულების დროულ აღსრულებაზე იფიქროს, რომელიც წლებია ჭიანურდება.

#ახალიამბები #BusinessMediaGeorgia