#ახალიამბები

ბათუმში, ბაგრატიონის ქუჩაზე რიგ მონაკვეთებზე ასფალტის საფარის დაგება დასრულდა და სატრანსპორტო მოძრაობა აღდგა. პროექტის ფარგლებში გათვალისწინებულია სანიაღვრე და განათების სისტემების მოწყობა, მწვანე საფარის, დეკორატიული ფილებისა და მოაჯირის მონტაჟი. ბათუმის მერიის ინფორმაციით, ამ ეტაპისთვის სამუშაოები დასრულდა შარტავას წრიულიდან ვაჟა-ფშაველას ქუჩამდე მონაკვეთში, სადაც უკვე დაგებულია ასფალტის საფარის პირველი ფენა და მიმდინარეობს მეორე ფენის დაგება. უწყების ცნობითვე, სამუშაოების ღირებულება 6 მილიონ 688 ათას 888 ლარს შეადგენს.