#ახალიამბები
საკრებულოს რიგგარეშე სხდომა, რომელზეც „ბიაფის“ დაფინანსებაზე უნდა ემსჯელათ ჩაიშალა. „ქართული ოცნების“ წევრები „ერთიანი ნაციონალური მოძრაობის“ მიერ მიწვეულ სხდომაზე არ მივიდნენ. კვორუმის არარსებობის გამო კი, საკითხზე მსჯელობა ვერ შედგა. ოპოზიცია საავტორო კინოს ბათუმის საერთაშორისო ფესტივალის დაფინანსების საკითხის განხილვას ითხოვდა. მათი თქმით, ბათუმის მთავარ ფინანსურ დოკუმენტში ცვლილება უნდა შევიდეს და კინოფესტივალი დაფინანსდეს. მმართველი გუნდის ქმედება ოპონენტებმა გააკრიტიკეს. მათი განცხადებით, „ოცნება“ ფესტივალის ორგანიზატორებს მიზანმიმართულად არ აფინანსებს, რადგან მათი დასჯა სურს. ბრალდების ადრესატების თქმით კი, როცა უწყებაში BIAF-ის დაფინანსებაზე განაცხადი შევიდა, ფესტივალებისთვის გამოყოფილი თანხა უკვე სხვადასხვა ღონისძიებებისთვის იყო გადანაწილებული. სხდომას არ ესწრებოდა პარტია „საქართველოსთვის“ წევრი, აკაკი გვიანიძეც.