#ახალიამბები
შუახევში, ჩანჩხალოს საავტომობილო გზის სარეაბილიტაციო სამუშაოები დაიწყო. აჭარის საავტომობილო გზების დეპარტამენტის ინფორმაციით, სოფელში 3 კილომეტრი სიგრძის მონაკვეთზე თანამედროვე სტანდარტების შესაბამისი ასფალტობეტონის საფარი მოეწყობა. პროექტით გათვალისწინებულია, ბეტონის საყრდენი კედლების, გაბიონის, ზღუდარების და რკინა ბეტონის კიუვეტების მოწყობაც. აღნიშნული გზა ტურისტული მნიშვნელობისაა და გომარდულის საკურორტო ზონას, ბარათაულის თემს, სოფელ სხეფსა და თერნალს უკავშირდება. პროექტის ღირებულება 2 მილიონ ლარს შეადგენს. სამუშაოები 2023 წელს უნდა დასრულდეს.