#ახალიამბები
ჩაქვის სასაფლაო, კიდევ, ერთი ობიექტია, რომელიც ამ დრომდე ექსპლუატაციაში არ შესულა. სამუშაოების დასრულებიდან, თითქმის 8 წლის შემდეგ, ბათუმის მერია, ისევ, სამხარაულის ექსპერტიზის დასკვნას ელოდება. როგორც აიპი „ბათუმის სასაფლაოების“ დირექტორი ამბობს, არჩილ ჩიქოვანმა, განმეორებით ექსპერტიზისთვის სამხარაულის ბიურიოს, გასულ თვეს მიმართა. ჯუმბერ კობალაძეს აქვს მოლოდინი, რომ საკითხი წლის ბოლომდე გადაწყდება და სრულად თუ არა, ტერიტორიის ნაწილობრივად ათვისება მაინც მოხდება. კობალაძის თქმით, 18 ჰექტარი ტერიტორიიდან, მეწყერსაშიში მხოლოდ ნაწილია. მუნიციპალური აიპის დირექტორმა, ოფიციალურ კომენტარზე უარი, ჯანმრთელობის მდგომარეობის გამო გვითხრა. სახელმწიფო ბიუჯეტიდან, ფუჭად გადაყრილი მილიონების საქმის ძიება, პროკურატურას, ამ დრომდე არ დაუსრულებია. 2015 წელს, ახალი სასაფლაოს მოსაწყობად, ბათუმის მერიის ბიუჯეტიდან შპს „მამისონს“ სამი მილიონ 400 000 ლარი გადაუხადეს.