#ახალიამბები
რის გამო იჩხუბეს ბათუმის მე-8 საჯარო სკოლის მოსწავლეებმა? პირველადი ინფორმაციით, მიზეზი მობილურის დამტენი გახდა. თვითმხილველთა თქმით, შელაპარაკება სკოლაში დაიწყო და გაკვეთილების დასრულების შემდეგ გაგრძელდა. დაშავებული მოსწავლის მშობელი ამბობს, რომ შვილს ფიზიკურად 25 ბიჭი გაუსწორდა და მისი ჯანმრთელობის მდგომარეობა მძიმეა. რაც შეეხება სკოლის პოზიციას, სასწავლო დაწესებულების წარმომადგენლის განმარტებით, დაპირისპირება გაკვეთილების შემდეგ მოხდა და მანდატურებმა ფაქტის გაგებისთანავე შესაბამისი ღონისძიებები გაატარეს. მასწავლებლის თქმით, მოსწავლეებს შორის კონფლიქტი აქამდე არ შეუნიშნავთ. მომხდართან დაკავშირებით, დაპირისპირებაში მონაწილე ახალგაზრდები და მათი მშობლები გამოიკითხნენ. შსს საქმეს სისხლის სამართლის კოდექსის 126-ე, ძალადობის მუხლით იძიებს.