#ახალიამბები
ქობულეთის პირველი საჯარო სკოლის ერთ-ერთ პედაგოგს მოსწავლე ფიზიკურ ანგარიშსწორებაში ადანაშაულებს. დაზარალებულის თანაკლასელები TV25-ს უყვებიან, რომ ინციდენტი საკლასო ოთახში, საგაკვეთილო პროცესის მიმდინარეობისას მოხდა. ბავშვების თქმით, ბიოლოგიის მასწავლებელმა მოზარდს ხელი დაარტყა. ძალადობის მოტივი, როგორც ისინი გვეუბნებიან, მოსწავლის მიერ საღეჭი რეზინის ღეჭვას მოჰყვა. ბავშვებისვე ინფორმაციით, ინციდენტის შემდეგ მშობელმა მანდატურის სამსახურს მიმართა, რაზეც ამ უკანასკნელს რეაგირება არ მოუხდენია. ჩვენ ქობულეთის პირველი საჯარო სკოლის დირექტორს დავუკავშირდით. იგი ძალადობის ფაქტს კატეგორიულად უარყოფს, თუმცა მოსწავლესა და პედაგოგს შორის მომხდარ "უთანხმოებას" ადასტურებს. ამ წუთებში, ცნობილი ხდება, რომ TV25-ის მიერ გავრცელებულ ინფორმაციაზე მანდატურის სამსახურმა მოკვლევა დაიწყო.