#ახალიამბები
გაღატაკებული ხალხის ხარჯზე აჭარის მთავრობა საკუთარ კომფორტზე ზრუნავს. მიმდინარე წელს, რეგიონის ხელისუფლებამ მილიონ 368 ათას 130 ლარის ღირებულების ახალი ავტომობილები შეიძინა. ამის შესახებ „ფაქტ-მეტრი“ წერს. არასამთავრობო ორგანიზაციის ვრცელი კვლევა საერთო ჯამში, 2019 წლიდან დღემდე არსებულ მონაცემებს ასახავს. მესამე სექტორის შეფასებით, მიუხედავად იმისა, რომ ქვეყნის ეკონომიკა პანდემიამ მკვეთრად დააზარალა, სამინისტროები, მათი საქვეუწყებო დაწესებულებები თუ მათ მიერ დაფუძნებული ორგანიზაციები ავტოსატრანსპორტო საშუალებების შეძენაში სოლიდურ თანხებს ხარჯავენ. ორგანიზაცია წერს, რომ მანქანების შესყიდვა კონსოლიდირებული ტენდერების ფარგლებში ხორციელდება. საანგარიშო პერიოდში, აჭარის მთავრობამ 41 ერთეული ახალი ავტომობილი შეიძინა.