„ხელმისაწვდომი საცხოვრისის“ პროგრამაში მონაწილეობის მსურველთა განცხადებების მიღების მესამე ეტაპი დაიწყო
ოქტომბერი 21, 2022
32
#ახალიამბები
„ხელმისაწვდომი საცხოვრისის“ პროგრამაში მონაწილეობის მსურველთა განცხადებების მიღების მესამე ეტაპი დაიწყო. პროცესი 31 დეკემბრის ჩათვლით გაგრძელდება. ინფორმაციას ბათუმის მერია ავრცელებს. უწყების ცნობით, ე.წ იაფი სახლის პროგრამა გულისხმობს იზოლირებული, კეთილმოწყობილი ბინების გადაცემას დადგენილი კრიტერიუმების მიხედვით შერჩეული ოჯახებისთვის, 15 წლის განმავლობაში, ბინის თვითღირებულების ქირის სახით დაფარვისა და ბინის საბოლოო გამოსყიდვის უფლებით. მსურველებმა შესაბამისი დოკუმენტაცია ფაქტობრივი მისამართის მიხედვით, მერიის სერვისცენტრებში უნდა წარადგინონ. პროგრამის შესახებ დამატებითი ინფორმაციის გაცნობა შესაძლებელია მერიის სერვისცენტრებში, ან მერიის ოფიციალურ ვებგვერდზე.
მაჩვენე მეტი