#ახალიამბები
ციტრუსის რეალიზაციის ხელშესაწყობად აჭარაში საკოორდინაციო შტაბი ამოქმედდა. იგი მოსავლის ლოჯისტიკას, რეალიზაციას და სუბსიდირებას უზრუნველყოფს. შტაბი 1 თებერვლამდე იფუნქციონირებს. აჭარის მთავრობის გადაწყვეტილებით, არასტანდარტულ მანდარინზე სუბსიდია გაიცემა. სახელმწიფოს მხრიდან 1 კგ სამრეწველო მანდარინზე 15 თეთრიანი თანადაფინანსება იქნება 5 თეთრს კი საწარმო გადაიხდის, შესაბამისად ფასი 20 თეთრი იქნება. საექსპორტო მანდარინს 20–მდე ციტრუსის მიმღებ-გადამამუშავებელი საწარმო მიიღებს, არასტანდარტულ ნაყოფს კი, ქობულეთის საწარმო შეუზღუდავი რაოდენობით გადაამუშავებს. შტაბის გახსნას ქობულეთის და ხელვაჩაურის მუნიციპალიტეტების მერები, სავაჭრო-სამრეწველო პალატის, სურსათის ეროვნული სააგენტოს, ციტრუსის მიმღებ გადამამუშავებელი საწარმოების წარმომადგენლები, ექსპორტიორები და მეციტრუსე ფერმერები ესწრებოდნენ.