#ახალიამბები
სარფის საბაჟოზე დიდი ოდენობით არადეკლარირებული ოქრო და მედიკამენტები ამოიღეს. გამოძიებით დადგინდა, რომ ერთ შემთხვევაში, აზერბაიჯანის მოქალაქემ, თურქეთიდან საქართველოში, საბაჟო კონტროლისგან მალულად, 15 ათას 762 ლარის ღირებულების 12 დასახელების მედიკამენტი გადმოიტანა, ხოლო მეორე შემთხვევაში, საქართველოს მოქალაქემ, თურქეთის რესპუბლიკიდან, 56 000 ლარის ღირებულების ოქროს საიუველირო ნაკეთობები შემოიტანა. საქმეზე გამოძიება საქართველოს სისხლის სამართლის კოდექსის 214-ე მუხლის პირველი და მე-2 ნაწილებით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.