#ახალიამბები
ComCom-მა მედიაწიგნიერების კვირეული სტუდენტებთან საგანმანათლებლო აქტივობით გახსნა. მედიაწიგნიერების მნიშვნელობისა და საჭიროების შესახებ ცნობიერების ამაღლების მიზნით, მედიააკადემიაში სიმულაციური თამაში ჩატარდა. სტუდენტების ერთმა ჯგუფმა მედიის წარმომადგენლის, მეორე ნაწილმა ყალბი ინფორამაციის გამავრცელებლის და მესამემ დეზინფორმაციასთან მებრძოლი ორგანიზაციის როლები მოირგეს. გაეროს მიერ მიღებული რეზოლუციის მიხედვით, კომუნიკაციების კომისია საქართველოში მედიაწიგნიერების კვირეულს უკვე მეორედ ატარებს. მიმდინარე თვის ბოლოს თბილისსა და რეგიონებში სხვადასხვა ღონისძიებაა დაგეგმილი, რომლებშიც მოსწავლეები, სტუდენტები, პედაგოგები და მშობლები ჩაერთვებიან.