#ახალიამბები
ბსუ-ში, დღეს, ფარული კენჭისყრით ადმინისტრაციის ახალ ხელმძღვანელს აირჩევენ. კენჭს ერთადერთ კანდიდატს, მერაბ დიასამიძეს უყრიან. კანდიდატმა უნივერსიტეტის აკადემიურ საბჭოს საკუთარი სამოქმედო გეგმა გააცნო. საბჭო 11 წევრისგან შედგება. კანდიდატს, ასარჩევად მინიმუმ 6 ხმა სჭირდება, რის შემდეგაც, თანამდებობაზე დასამტკიცებლად, წარმომადგენლობით საბჭოს წარედგინება. რეგისტრაცია მხოლოდ მერაბ დიასამიძემ გაიარა. იგი, ბსუ-ს სასწავლო დეპარტამენტის ხელმძღვანელი და ტურიზმის ფაკულტეტის ასოცირებული პროფესორია. თუ დღევანდელ კენჭისყრაზე, მერაბ დიასამიძე, საჭირო ხმებს ვერ მიიღებს, უნივერსიტეტი ხელახალ რეგისტრაციას გამოაცხადებს. ადმინისტრაციის ხელმძღვანელს, ოთხი წლის ვადით ირჩევენ. პოზიცია 1 ნოემბრიდანაა ვაკანტური. ყოფილი ხელმძღვანელი, ნიკა ჩხარტიშვილი, უნივერსიტეტიდან, საკუთარი განცხადების საფუძველზე წავიდა. იგი პოზიციას 2021 წლის 28 ივნისიდან იკავებდა.