#ახალიამბები
სამი დარბევა ერთ დღეს, აქციის დაშლა რუსთაველის გამზირსა და რიყეზე, შეჭრა ტელეკომპანია „იმედში“ – 2007 წლის 7 ნოემბრის მოვლენებიდან 15 წელი გავიდა. სპეცდანიშნულების რაზმმა მომიტინგეების წინააღმდეგ ცრემლსადენი გაზი, ხელკეტები, რეზინის ტყვიები, აკუსტიკური იარაღი და წყლის ჭავლი გამოიყენა. 7 ნოემბრის ღამეს შინაგან საქმეთა სამინისტროს აჭარის მთავარი სამმართველოს წარმომადგენლები და სპეც რაზმი შემოიჭრა ,,TV 25-ში“ და წაიღო პირდაპირი ეთერის გადამცემი აპარატი. განვითარებული პროცესები 8 ნოემბერს ბათუმის უნივერსიტეტში სპეცრაზმელების შეჭრით, სტუდენტების დარბევითა და არეულობით გაგრძელდა. 7 ნოემბერს აქციის დარბევისა და „ტელეიმედში“ შეჭრის საქმეზე მხილებულნი არიან: მიხეილ სააკაშვილი, ზურაბ ადეიშვილი, გიგი უგულავა, დავით კეზერაშვილი და ვანო მერაბიშვილი.